بندوق کے زور پر مذاکرات نہیں ہوسکتے، ضیاء لانگو
بلوچستان کے وزیر داخلہ میر ضیاء اللہ لانگو نے کہا ہے کہ حکومت نے مذاکرات کے دروازے کبھی بند نہیں کیے، تاہم بندوق کے زور پر مذاکرات نہیں ہوسکتے۔ ان کا کہنا تھا کہ مسائل کے حل کے لیے آئینی، سیاسی اور پُرامن راستہ اختیار کرنا ہوگا۔
میر ضیاء اللہ لانگو نے امن و امان کے قیام اور عوام کے تحفظ کے لیے ریاستی اداروں کے کردار پر بھی زور دیا۔ ان کے مطابق بلوچستان میں پائیدار امن کے لیے دہشت گردی اور تشدد کا راستہ ترک کرنا ضروری ہے۔
انہوں نے کہا کہ حکومت عوام کی جان و مال کے تحفظ کے لیے اپنی ذمہ داریاں پوری کر رہی ہے اور امن کے قیام کے لیے تمام قانونی اقدامات جاری رکھے جائیں گے۔
